Mwanasheria mkuu wa Marekani atakiwa kujiuzulu


 Mwanasheria mkuu wa Marekani Jeff Sessions

Wanachama wa chama cha Democrats nchini Marekani wanasema bado hawajashawishiwa na matamshi ya karibuni ya mwanasheria mkuu Jeff Sessions kuhusiana na mawasiliano yake na balozi wa Urusi 2016.

Kiongozi wa wabunge wa chama cha Democrats Nancy Pelosi anaongoza wito wa kiongozi huyo mkuu wa mashtaka nchini humo kujiuzulu.

Rais Donald Trump amesema kwamba Sessions ni mtu mwaminifu na kusema kuwa shinikizo ya wanachama wa Democrats ni ya kibinafsi.

Bwana Sessions awali alijiondoa katika uchunguzi wa shirika la FBI kuhusiana na hatua ya Urusi kuingilia uchaguzi wa Marekani.

Lakini amesema hakudanganya wakati aliposema kuwa hakuwasiliana na raia wa Urusi.
Kiongozi wa wabunge wa chama cha Democrats Nancy Pelosi

Alisisitiza kuwa matamshi yake ni ya uaminifu na sawa kama alivyoelewa wakati huo.

Bwana Sessions alikuwa akizungumza baada ya kubainika kwamba alikutana na balozi wa Urusi Sergei Kislyaka mara mbili mwaka uliopita.

Bwana Sessions wakati huo alikuwa mwanachama wa kamati ya usalama katika baraza la seneti nchini humo.

Lakini tayari alikuwa mwanachama maarufu wa kundi la kampeni ya bwana Trump. 
 
CHANZO: MUUNGWANA BLOGU
Sambaza kwenye Google Plus

About HB Mtetezi

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

0 Maoni:

Post a Comment